सन्नाटा घरमां आम कदी संभळाय ना, Gujarati Famous Gazal By Mariz

सन्नाटा घरमां आम कदी संभळाय ना, Gujarati Famous Gazal By Mariz 

सन्नाटा घरमां आम कदी संभळाय ना,                                       

पगलाना आ ध्वनि छे तमारी विदायना.

ना, एवुं दर्द होय महोबत सिवाय ना,

सोचो तो लाख सूझे – करो तो उपाय ना.

जीवननो कोइ ताल हजु बेसतो नथी,

हमणांथी कोइ गीत महोबतमा गाय ना.

आगामी कोइ पेढीने देता हशे जीवन,

बाकी अमारा श्वास नकामा तो जाय ना.

सारा के नरसा कोइने देजे न ओ खुदा,

एवा अनुभवो के जे भूली शकाय ना.

ए ऊर्मिओ तमे बधी आवो न सामटी,

आ छे गझल, कंइ एमां झडपथी लखाय ना.

आराममां छुं कोइ नवा दु:ख नथी मने,

हा दर्द छे थोडा वीतेली सहाय ना.

ज्यां पण ह्रदयना ऊभरा, ऊभरे करो कबुल,

तोफान थाय क्यां जो ए दरियामां थाय ना.

हा छे विविध क्षेत्रमां एवा छे प्रेमीओ,

एवी वफा करे छे के मानी शकाय ना.

सगवड छे एटली के गमे त्यां हसी शको,

अगवड छे एटली के गमे त्यां रडाय ना.

जोवा मने हुं लोकनी आंखोने जोउं छुं,

लोकोनी आंखमां ज हता स्पष्ट आयना.

मृत्युनी पहेला थोडी जरा बेवफाइ कर,

जेथी ‘मरीझ’ एमने पस्तावो थाय ना.                                                         

- अब्बास वासी (मरीझ)  

સન્નાટા ઘરમાં આમ કદી સંભળાય ના,

પગલાના આ ધ્વનિ છે તમારી વિદાયના.

ના, એવું દર્દ હોય મહોબત સિવાય ના,

સોચો તો લાખ સૂઝે – કરો તો ઉપાય ના.

જીવનનો કોઇ તાલ હજુ બેસતો નથી,

હમણાંથી કોઇ ગીત મહોબતમા ગાય ના.

આગામી કોઇ પેઢીને દેતા હશે જીવન,

બાકી અમારા શ્વાસ નકામા તો જાય ના.

સારા કે નરસા કોઇને દેજે ન ઓ ખુદા,

એવા અનુભવો કે જે ભૂલી શકાય ના.

એ ઊર્મિઓ તમે બધી આવો ન સામટી,

આ છે ગઝલ, કંઇ એમાં ઝડપથી લખાય ના.

આરામમાં છું કોઇ નવા દુ:ખ નથી મને,

હા દર્દ છે થોડા વીતેલી સહાય ના.

જ્યાં પણ હ્રદયના ઊભરા, ઊભરે કરો કબુલ,

તોફાન થાય ક્યાં જો એ દરિયામાં થાય ના.

હા છે વિવિધ ક્ષેત્રમાં એવા છે પ્રેમીઓ,

એવી વફા કરે છે કે માની શકાય ના.

સગવડ છે એટલી કે ગમે ત્યાં હસી શકો,

અગવડ છે એટલી કે ગમે ત્યાં રડાય ના.

જોવા મને હું લોકની આંખોને જોઉં છું,

લોકોની આંખમાં જ હતા સ્પષ્ટ આયના.

મૃત્યુની પહેલા થોડી જરા બેવફાઇ કર,

જેથી ‘મરીઝ’ એમને પસ્તાવો થાય ના.

- અબ્બાસ વાસી (મરીઝ) 

Advertisement